9.11. Lerretformat

Revisjonshistorie
Revisjon $Revision: 2416 $ 2007-11-17 KoSt

Lerretet” er det synlege området for bilete. Som oftast samasvarar lerretformatet med storleiken på laga i biletet. Kommandoen lerretformat gir deg høve til å forandra storleiken på lerretet utan å endra noe på innhaldet i biletet. Gjer du lerretet mindre enn biletet, vil det synlege området bli krympa, men sjølve biletlaget eksisterer likevel, usynleg, utanfor lerretkanten. Gjer du lerretet større enn biletet, vil lerretet vere synleg mellom biletet og lerretkanten.

Når du reduserer lerretet, vil lerretgrensa bli vist som ein tynn, negativ kant i miniatyren. Musepeikaren viser flyttesymbolet. Klikk og dra biletet innføre lerretramma.

Forskyving

Verdiane i Forskyving bestemmer plasseringa av biletet på lerretet. Resultatet blir vist i førehandsvisinga. Dersom lerretet er mindre enn biletet, syner førehandsvisinga lerretet som ei tynn, svart ramme.

X; Y

Parametra X og Y er koordinata for det øvre, venstre hjørnet av biletet relatert til det tilsvarande hjørnet av lerretet. Når lerretet er mindre enn biletet, blir verdiane negative. Den vanlege måleeininga er piksel, men du kan endre dette ved behov. Du kan skrive nye verdiar i tekstboksane, eller du kan klikke på piltastane i enden av boksane for å flytte biletet ein piksel om gongen. Held du nede Shift-tasten, flytter biletet seg 10 pikslar om gongen.

Lag

Før versjon 2.4 av GIMP hadde “lerretformatet” ingen verknad på lagstorleiken. For å forandre lagformatet måtte du bruke kommandoen set laggrensene. I innstillinga “lag” kan du nå spesifisera kva for lag, om noen, som skal tilbakestillast til ny storleik:

  • Ingen: Normalinnstillinga. Bare lerretet blir forandra.

  • Alle laga: alle laga blir tilbakestilte til same format som lerretet.

  • Lag med same format som biletet: Bare desse laga blir tilbakestilte til same format som lerretet har.

  • Alle synlege lag: Bare dei laga som er merka med symbolet blir tilbakestilte til same format som lerretet har.

  • Alle samanlenka lag: Bare dei laga som er lenka saman, og altså merka med symbolet i lagdialogen blir tilbakestilte til same format som lerretet har.

Sentrer

Knappen Sentrer sentrerer biletet på lerretet. Verdiane for forskyving blir rekna ut automatisk og vist i tekstboksane.

[Note] Notat

Når du klikkar du på knappen Endre storleik, blir lerretet sett til dei valde verdiane. Sjølve biletet og visinga av det, blir ikkje forandra.

Dersom lerretet blir større enn biletet, vil det ikkje vere noe lag i området rundt biletet. Dette området er gjennomsiktig, noe som blir markert med sjakkbrettmønsteret. Skal du arbeide på denne delen av lerretet, må du gjere det om til eit biletlag først. Dette kan du gjere med å flate ut biletet. Dette gir eit bilete med eitt lag. Er dette lite ønskjeleg, kan du i staden utvida det aktive laget med kommandoen laget til biletformatet. Endeleg kan du kreere eit heilt nytt lag og fylle dette med den bakgrunnen du ønskjer. Dette vil gi ein digital “passe-partout” (ei slags pappramme med opning for biletet).